Hosea 6

1“चला, आपण परमेश्वराकडे परत जाऊ,
कारण त्याने आमचे तुकडे केले आहे, आता तोच आम्हाला बरे करील,
त्याने जखम केली, तोच आम्हाला पट्टी बांधेल.
2दोन दिवसानंतर तो आम्हाला पुन्हा जिवंत करेल,
तिसऱ्या दिवशी उचलून उभे करीन,
आणि आम्ही त्याच्या समोर जिवंत राहू.
3चला आपण परमेश्वराला ओळखू या,
प्रयत्नाने त्याचे ज्ञान मिळवूया,
तो खचित पहाटे सारखा उदय पावणार आहे,
भूमीवर पाऊस पडतो
त्याप्रमाणे तो आमच्याकडे येणार आहे.”

4एफ्राईमा मी तुला काय करु?

यहूदा मी तुला काय करु?
तुमचा विश्वासू पहाटेच्या ढगाप्रमाणे,
आणि उडून जाणाऱ्या दवाप्रमाणे आहे.
5म्हणून मी माझ्या संदेष्ट्याद्वारे त्याचे तुकडे केले आहे,
माझ्या तोंडाच्या शब्दाने त्यांना ठार केले आहे.
तुझा न्याय हा प्रकाशाप्रमाणे चमकत आहे.

6कारण मी बलीदान नाही तर विश्वासूपण इच्छितो,

मला होमबली पेक्षा देवाचे ज्ञान प्रिय आहे.
7आदामाप्रमाणे त्यांनी करार मोडला,
ते माझ्याशी अविश्वासूपणे वागले.

8गिलाद हे दुष्टांचे शहर आहे,

त्यावर रक्ताची पाऊले उमटली आहे.
9जशी लुटारुंची टोळी टपून बसते,
तसा याजकांचा समूह आहे, ते शखेमाच्या वाटेवर खून करतात,
त्यांनी महापातके केली आहेत.

10इस्राएलाच्या घराण्यात मी भयावह प्रकार पाहिला आहे,

एफ्राईमाचा व्यभिचार तेथे आहे, आणि इस्राएल प्रदुषित झाला आहे.
तुझ्यासाठी यहूदा, हंगामाची वेळ येईल,
तेव्हा मी माझ्या लोकांना बंदिवासापासून मुक्त करीन.
11